Home Дэлхий Японд 850 мянга орчим хүн нүүх зөвлөмж хүлээж авчээ
Дэлхий - July 2, 2019

Японд 850 мянга орчим хүн нүүх зөвлөмж хүлээж авчээ

ТОКИО. /RIA Novosti/. Ширүүн бороо орж байгаагийн улмаас үеэр болж, хөрсний гулгалт үүсэх эрсдэл өндөр байгаатай холбоотойгоор Японы Кагошима, Эхимэ болон Кумамото мужийн 850 мянга орчим оршин суугчдад нүүх зөвлөмж хүргүүлсэн тухай телевизийн NHK суваг мэдээлжээ.
Кюшю арлын өмнөд хэсэгт хүчтэй аадар бороо орж, хөрсний гулгалт үүсэх эрсдэл эрс нэмэгджээ. Зарим нутагт 700 миллиметр хур тунадас унасан байна. Сүүлийн 24 цагийн дотор гэхэд Кагошима мужид 190 миллиметр хур тунадас оржээ.
Цаг уурын урьдчилсан мэдээгээр, ойрын өдрүүдэд Кюшю арлын өмнөд болон хойд хэсэгт 150 миллиметр, харин Эхимэ муж оршдог Сикоку аралд 80 орчим миллиметр хур тунадас орох төлөвтэй байна. Пүрэв гарагийн өглөө гэхэд Кюшю аралд 300-400 хүртэл миллиметр хур тунадас унана.
Ширүүн бороо үргэлжлэн орж байгаагийн улмаас ялангуяа дов толгодтой, уулархаг газрын оршин суугчид хөрсний гулгалтад өртөх эрсдэлтэй байгаа бөгөөд суурин газруудын орц, гарц боогдож, зам, гүүр, байшингууд нурангид даруулж болзошгүй байна.
Д.Жаргал
Эх сурвалж: Монцамэ агентлаг

Leave a Reply

Your email address will not be published. Required fields are marked *

Check Also

Төрийн гурван өндөрлөг соёолонгийн тоос хүртлээ

Улаанбаатар /МОНЦАМЭ/.  Ардын хувьсгалын 98 жилийн ойн Үндэсний их баяр наадмын хурдан соё…